Sep 28, 2012

HAUL :D مشتروات

السلام عليكم

كيف حالكم جميعا..؟

اليوم راح أوريكم منتجات شريتهم خلال الشهر اللي فات
و توي تذكرت شغلات ما صورتها من العجلة.. يالله مو مشكلة مرة ثانية إن شاء الله خخ
الأماكن : بوتس - ذا بودي شوب - آيكيا - مهجة  - النهدي - الماجد - جرير - سنتر بوينت
الأسعار : مو متذكرة بعضها.. بس بحاول و أعطيك اللي أذكره أو السعر التقريبي لهم

بسم الله .. راح أبتدي من اليمين لليسار كل الصور :)

 

رغوة ويلا.. ممكن هذي رابع أو خامس مرة أشتريها.. فيه منها كذا نوع.. أتسخدم النوع اللي قبل الفير
حقيقة مو دايم أستخدمها .. بس في المناسبات و الأيام الحارة اللي ممكن يخرب فير الشعر فيها.. يعني إذا أبي ثبات قوي
من النهدي بحدود 15 أو 20 ريال

تونك موية الورد 100% عضوي - أورقانيك
أخذته من بوتس.. ممكن 30 ريال .. زي موية الورد العادية ما لاحظت اختلاف
بس حلوة تسد المسامات المفتوحة بعد التتظيف أو التقشير

زيت من ذا بودي شوب بالزيتون.. فكرته إنه ممكن يستخدم للوجه و الشعر و الجسم
فيه كذا نكهة منه بس أنا اخترت هذي.. للحين ما جربته حقيقة و سعره ما أدري بس أحس إنه بحدود 70 ريال خخ

اللي بعده كريم لليل من ذا بودي شوب.. هذا اللاين خاص لشد البشرة و لعلامات تقدم السن و هيك
ما استخدمته كثير مرة.. بس حلو.. أحس بعده بشرتي مشدودة .. سعره قريب ع 80 ريال

بعده شي اسمه مرررررررة يحمس.. قطرة الشباب خخ.. كميته قليلة و مرررركزة.. مكوناته كثيرة جدا و جديّة
ينحط مع أو قبل أي كريم المرطب ما جربته للحين مخليته لين يخلص الهيلارونك أسيد حقي.
بس في موقع الماركة يمدحووووونه حيييل..!! سعره حسب ما أذكر يميل للغلاء.. ممكن 100 ريال أو حولها


تحت فيه قناع علبته زرقاء من ذا بودي شوب.. مخصص للبشرات الدهنية و المختلطة
و هو أحسه أحسن للدهنية أكثر.. سويت عنه تويته ليلة العيد إذا تذكرون خخ .. المهم هو 3 في 1
منظف و قناع و مقشر.. حبييييته مرة.. سعره أتوقع 50 ريال


بعدين كريم الليل من فيتامين إي.. جا هدية ويا لوشن و شور جل و ما جربته للحين

ع اليسار فيه 3 منتجات من بوتس ماركة باري آم .. روج سحري و بقمنت و آيلاينر
أخذتهم في العرض اشتري 2 و الثالث مجانا.. كلهم أسعارهم حدود 25 ريال يعني ما دفعت إلا 50
حبيت الروج السحري أكثر شي.. الآيلاينر عبارة عن قليتر أسود لحاله مو حلو بس فوق الآيلاينر العادي يطلع جميل
البقمنت فاشل جدا..!! شريته عودي قلت في بالي ممكن يقارب لون الشدو الكريمي حق شانيل
طلع مع الاستخدام أسووووود و فيه قليتر خفيف عودي و ثواني يروح القليتر.. مدري هذا اللون فاشل
و لا كل البقمنت حقهم فاشل.. ما علينا مرة ثانية بجرب لون ثاني فاتح و أشوف






مجموع زيوت الفواحات اللي فوق من ذا بودي شوب.. سعر الواحد 24 ريال
خلصت كل اللي عندي من قبل و قلت أنزل أشتري مجموعة.. أخذت روائح خفيفة و منعشة
ليمون و شاهي أخضر و فيه شي ع ياسمين.. و كمان شي ع صبار و فيه بالرمان .. ما أعرف أشرحهم بصراحة خخ
بس حلوين كلهم مرة مرة .. و الفواحة من مهجة بريالين خخ.. عندي فواحتين قبل بس طفاسة شريت هذي
صوغننة و لونها ظريف و شكلها فنتج عتيق

الشموع من آيكيا.. و الله ما أذكر سعرها بس مو غالية.. كان بإمكاني آخذ البيضاء العادية اللي بدون ريحة
بس أنا أحب ريحة هذي مرة إذا خزنتها في الدولاب و يوم أولعها ما لها ذيك الريحة الطاغية اللي تغطي ع عطر الفواحة

بعدين فواحة اسمها (منعش) من الماجد بـ 20 ريال.. ريحتها قووووييييية مررررررررة و منعشة و فواااااااحة
أنصحكم فيها من جد و اللي علبتها وردي من سنتر بوينت بـ 15 .. ريحتها ورد هادية

بالنسبة لي أنا من الطراز القديم خخ.. عندي فواحة كهرباء بس ما أستخدمها إلا نادرا مرة
أحس شعور الشموع روقان .. و فيه نقطة مهمة  ممكن أغلبكم يعرفها بس ما عليه للتذكير
حطوا شوي موية ويا زيت الفواحة عشان ما يحترق بسرعة و تصير الريحة خفيفة و هادية





نجي لآيكيا ..3 حبات من الشي اللي نحط ع الطاولة .. ممم هذاك اللي ينحط عليه الصحن و الملعقة و الكاسة
مدري وش اسمها بالعربي صراحة خخ.. المهم خذيت هذي الـ 3 من آيكيا الوحدة بـ 9 ريال
راح أحطهم في الأرفرف اللي وريتكم في تويتر فيها كريمات و أدوات العناية.. عشان ما توسخ الدولاب
و لا تخلي فيه لون أو أثر أو تخرب الخشب علي لو تسرب شي منها.. و برضو شكلها جميل مرة
هذي فكرة ممكن تستخدمون هالشغلات للترتيب و التنظيم

بعدين كاسة .. يالله مرة أسرتني و حبيتها.. أختي لوتي تقول شينة .. و زوجة أخوي شكلها تجامل و تقول عادية
أنا شريتها.. حرام يعني ما أحد يشتري الأشياء الشينة؟؟؟ نخليها لحالها في المحل...؟ ف..شريتها هههههههههه
سعرها ما يتجاوز 10 ريال .. كبيرة شوي بس حلوة

اللي في الكيس هذا ماله داعي بسر لوهلة حبيته و أخذته.. زي المكعب قزاز و في راسه مشبك للورق
ماله دااااااعي و الله ههههههههه بس عجبني و قلت أدلع نفسي و سعره 15 ريال

مريلة طبخ ظريفة مخططة و حبالها منقطة.. أخذتها لغسيل المواعين.. لأني أحط ويا الفيري كلوركس
أحسه أنظف و يعطي لمعة.. بس مرات ينقط ع ثيابي و يعدمها و هذي مناسبة لهالغرض و سعرها حسب ذاكرتي 25 ريال

بطانية خفيفة حمراء 120 في 180 سم.. صغيرة نوعا ما و سعرها 55 ريال بالتمام
اشتريتها لأني من الناس اللي أبرد بسرعة مرة  و اللي عندي من البشر يعشقون البرد
فأستخدمها و أنا عند التلفزيون أو السفر.. مرة فكت أزمة و الله .. أنا الحين متكرفسة فيها و أكتب لكم هالبوست خخ





كتابين حسيتهم حلوين من جرير.. مهارات التعلم و التفكير يساعدني لأني معلمة و مهتمة جدا بتطوير أدائي
و كتاب رحلاتي إلى مشرق الشمس أخذته لأني أحب كتب الرحلات و وصفها.. للحين ما فتحته زي ما تشوفون بس متحمسة له
و كتاب التفسير الميسر للدكتور عايض القرني كان نفسي فيه .. كل آيه يشرحها في عدد قليل من السطور و بلغة بسيطة
سعره 60.. الكتب اللي قبل ما أذكر أسعارهم


آخر شي حبرين للطابعة.. أسود و ملون و صلى الله و بارك :$


إذا حابين ريفيو أو تفصيل في أي شي لا تترددون .. و أشوفكم وقت ثاني
 

Sep 22, 2012

TAG: 10 cosmetics products I can't live without!

 

عشرة منتجات تجميل ما أستغني عنها

 


اليوم حبيت أبتدي هالتاق.. و مدري إذا كان موجود من قبل و لا لا خخ
ما علينا.. المهم راح أتكلم عن منتجات استخدمها يوميا أو غالبا.. و ما أتخيل أستغني عنها أبدا
و بعضها قد اشتريت منه كل ما خلص.. و كلها تقريبا قد تكلمت عنها بالتفصييييييييل و الصور و السواتشات في التمبلر
http://terter-bwia.tumblr.com/


*

كونسيلر كريولان.. هذي ثاني علبة و اللي فاتت بقت معاي سنتين و لسا باقي فيها كثير
بس خفت ع بشرتي و اشتريت جديد.. أستخدمها لكذا استخدام شارحتهم في التمبلر
سعره ممكن 120 ريال

*

كحل ميبلين الكريمي.. قبل أتكلم عنه أنا أستغرب كثيييييييير و أندهش و الله لما أسمع البنات يقولون إنه نشف عليهم
عمره ما صار لي هالشي و هذي ممكن العلبة السابعة أو الثامنة..!! و قلت في بالي يمكن لأني أخلصه بسرعة ما يمديه ينشف
بس عندي اللون البني من شهور ما أستخدمه كثر استخدامي للأسود و برضو لسا ما نشف..!! فـ.. ما أدري عنكم خخ
ممكن لأنكم ما تسكرون الغطاء زين .. و بصراحة أنا أحط منه ع يدي و أسكر العلبة و أستخدم من اللي في يدي
عشان حرارة يدي الطبيعية تخليه يسيح أكثر و أقدر أشتغل فيه ..و يمكن عشان كذا العلبة عندي ما تبقى مفتوحة كثير و تنشف
المهم هذا الشي سواده و ثباته عجيب..
فرشته حليوة ما عليها تفك أزمات و الله ..و بصراحة عندي منها كثير الحين و صرت أستخدمها للشفايف ..
أنصحكم تجربونها للشفايف خصوصا إن لها غطا و حجمها صغير
أستخدمه جوا عيني و برضو ما جاني مشاكل و ثابت هناك كمان.. أحببببببه هالكحل أحبببببببه
سعره تقريبا 37 ريال

*

هايلايتر قيرلان.. للأسف هذا إصدار محدود و انتهى بس ممكن تلاقونه في محلات التجميل المغمورة
أو اللي موجودة في الأسواق النايمة زي النجار مثلا خخ
أنا كثيييير احترت أختاره لهذا البوست و لا أختار حق لورا مارسييه.. بس في النهاية استقريت على حبي لهذا أكثر
لونه طبيعي ع زهر و نقطة موف.. بس مرات يعطي لمعة روز قولد مررررة حلوة.. صورتي هنا مو مبينة اللون تمام :(
و أستخدمه ظل بعد... يا إلهي !!!! يجي لون فخم فخم و مميز.. و مو صارخ يعني يصلح للناس اللي تحب المكياج الهادي..
و لأني أخاف أخرب شكل الوردة أستخدمه من جهة وحدة بس زي ما تشوفون هههههه
سعره بحدود 300 ريال
إذا ما لقيتوه ترى له بديل مشابه تقريبا في سيفورا ماركة سيفورا نفسها
علبتها مدورة بغطا شفاف و البودرة نفسها محفور عليها ورد صغير مرة

*

مسكرة ذا فولسيز من ميبلين.. هذي ممكن ثالث مرة أشتريها.. كنت مدمنة على لانكوم هيبنوس دراما
تخلص علبة و أشتري و تخلص و أشتري و تخلص و أشتري خخ
و سمعت في اليوتيوب عن هذي و إنها بديل مقارب لحقت لانكوم و أرخص منها بفرق 100 ريال
جربتها و وقعت في حبها .. يا كثر ما أقع في الغرام أنا هههههه.. المهم فيه نقطة حابة أركز عليها
اللي يستخمون المسكرة طبقة وحدة  و خلاص.. لا يتوقعون كثافة و لا تطويل.. مهما غلت المسكرة أو رخصت و كانت سمعتها
النتيجة و الفرق في المسكرات يبان لما تسوين كذا طبقة .. و فيه ريفيو كامل في التمبلر و مقارنة بالتفصيل عن هالمسكرة
سعرها تقريبا شي و 50 ريال

*

برايمر تو فيسد آيشدو إنشورانس.. هذا بطل.. و بعد أحطه تحت عيني عشان الكونسيلر ما يتكتل و انتهينا
سعره 100 و شوي

*

بيقمنت اسمه مينك.. من نكس .. من جد هالدرجة تنفع حق كل يوم و كمان لما أكون مستعجلة مرررة أحطه ع كل الجفن
و مرات أوصله للحاجب زي اللوك اللي تكلمت عنه قبل.. ميزته ثباته و قوامه حلو و لونه يناسب البشرات الوسط و الفاتحة
سعره 35 ريال تقريبا

*

جل و بودرة الحواجب من إيلف .. أحب جهة الجل أكثر من البودرة اللي تجي معاه
صحيح أستخدم ظل عادي من كذا ماركة وأعبي حواجبي مرات..
 بس هذا المنتج أستخدمه معظم الوقت و يعطيني نتيجة زينة من دون شي ثاني زي مسكرة الحواجب و غيره
هو و بس و نمشي
سعره 3 دولار

*

روج من ماركة أون الدرجة L14 .. قوامه خفيف مو كريمي مرة و لا مات .. و أحسه يرطب الشفايف و أهم شي إنه أورقانيك
لونه نود ع وردي شوي.. فيه نقطة من اللون البني.. بس ع الشفايف يبان طبيعي لأنه شبه شفاف
هذا الروج نفس فانتزي حق إيلف و أحبهم لأني يوم أسوي مكياج ملون ع العين تطلع هالدرجة مرة ناعمة و تهدي اللوك شوي
و كمان لما أكون مستعجلة أحطه هو من دون تفكير لأنه ملائم مع كل شيء.. و في شنطة مكياجي دايم
ما أذكر سعره بس الماركة تابعة لبورجوا و تقريبا نفس أسعار أرواجهم

*

روج من نكس مجموعة المات و اللون اسمه ميرلو Merlot .. التي في الأخير ما ينطق خخ
المهم هذي الدرجة جاية كأنها بين 3 درجات الأحمر و الفوشي و البني.. و لونه مميز ما لقيت للحين شي يشابهه في ماركات ثانية
و قوامه و ثباته عجيييييييييب.. لونه يعتبر خياري الدائم لما أبي روج غامق أو وسط..  أو أبي أحط لون غير بس مو صارخ
و لما يكون مكياجي هادي جدا أحب أحطه..
و أحطه في كل وقت و حزة ههههه... مرة أحبه و لأنه هدية من وحدة أحبها صاير له مكان غير جواتي :$
سعره حدود الـ 40 ريال

*

بلشر من نكس لونه اسبريسو.. جاي برونز ع وردي ع نود .. مطفي و جميل
يلائم أي شي و يصلح كونتور و بلش.. من المنتجات اللي آخذها وياي سواء في سفر أو دوام



يا ربي أحس البوست ذا صار كله دعاية للتمبلر حقي خخ
بس تراني تكلمت عن كل هالمنتجات في التمبلر قبل ما يكون عندي بلوق من كثر حبي لها
و مرات أغير طبعا بالنسبة للظلال و الأرواج و هيك..
و حتى المسكرات و الأكحال.. حسب المود و اللوك و الوقت و المناسبة و المكان
بس يظلون هذولي المنتجات الأقرب و الأكثر استخداما و شراءً و تفك أزمة الوقت لأني واثقة في نتيجتها.. و سلامتكم

()
أسوي تاق لهالبنات :

قورجس
obscure beauty
viloet
the artistic hands
Beauty De Rosee
Float 29
Es2al Mujarib

أفضل عشرة منتجات تجميل.. ميك أب يعني مو سكن كير :$
و أي أحد حاب يسويه  في بلوق أو موضوع في منتدى يعطيني خبر ع تويتر عشان أشوف.. أحب هالأشياء
@TaRaNeeM
 

Sep 21, 2012

into the RED



 

 


I came out of the womb waving red lipstick.
                               Rose McGowan.

 





لما كنت صغيرة كنت أحب روج أحمر عند أمي
و الحين كثييييير لما أقيس ملابس أنا و لا أختي نحط روج أحمر لأنه يقدر يخليك أنيقة و متشيكة فجأة 
و أي لوك عادي ممكن يكون مثير و جريء و قوي و ملفت بمجرد ما تحطين روج أحمر 
و مع التطور المذهل في التجميل صار الروج الأحمر فيه منه درجات تناسب الجميع
 
شي ع برتقالي و شي ع عودي و شي ع فوشي و هيك

اليوم راح أصور لكم درجات الأحمر اللي عندي و راح أزيد كمان كم عينة روج أحمر




العينات يعطوني إياها في سيفورا بحكم إني شبه مقيمة هناك و يعرفوني.. خخ

نبدأ بسم الله.. كل الأسماء راح تكون من اليمين لليسار


 
 
روج من نكس مجموعة المات أحمر مايل ع فوشي غامق اسمه بلدي ميري Bloody Mary
 
محدد من نكس اسمه Hot Red
 
روج من نكس كمان مجموعة المات أحمر مايل ع برتقالي صارخ اسمه بيور رد Pure Red

 
 
 
إنجلوت أحمر مو مايل ع شي.. أحمر من جد خخ رقم 82 
 
بربري أحمر من جد رقمه 17 اسمه يونيون رد Union Red
 
ميك أب فور إيفر أحمر مايل شووووييي مرة ع الفوشي  رقمه 43
 
شانيل مجموعة ألور فيلفيت (المات) لونه أحمر شوي غامق و رقمه 38 اسمه La Fascinante
 
 
 
 
 
بالت من نكس فيه خمس ألوان.. منها 4 أحمر.. صورتها لكم و البالت اسمه Red Redrediscovered رقم 1
 
أخذته من سنتر بوينت دبي.. هنا ما نزل هاللون لسا.. بس موجود ألوان ثانية
 
 


هذا بالنسبة للي عندي حاليا


كان عندي واحد أليييييم رقم 19 اسمه قابريل من شانيل مجموعة كوكو بس أعطيته أمي و شكلي برجع أشتري لي واحد

و فيه من اللب ستاين حق إيف سان لوران اللي تكلمت عنه في التمبلر زمان .. عند أختي أحمر رقم 10 مايل ع الفوشي شوي

و بس...

تصميم بسيط هدية لكم و شكرا ع الـ10 آلاف مشاهدة خلال شهرين.. و بدعمكم راح أتحمس أكثر و ذا خخ :$

اضغطوا ع الصورة تكبر



 




سي يا ()


 



لعيونها.. :$

مرحبا

كثيييير بنات معجبين بالفنانة بيرين سات

و خصوصا في دورها سمر في مسلسل العشق الممنوع .. و فعلا في هالدور بالذات كانت بجد مثال للأنوثة الطاغية و الأناقة

و لاحظت كثير يبحثون عن طريقة كحل عيونها.. و راح أشرح لكم كيف تسوونه
 



أول شي لازم يكون عندك كحل أسود و يكون كريمي أو قلم أهم شي قابل للتمويه

و ممكن لو ما عندك كحل ظل أسود كمان ينفع .. و مهم يكون عندك برايمر للعين

أول شي حطي البرايمر عشان إذا سوينا تمويه للكحل ما يتكتل ع العين بعد مدة

بعدين كحلي عيونك من جوا فوق و تحت.. و بعدين ارسمي بالكحل أو الظل ع الجفن أقرررررب شي للرموش و كمان تحت
 
هالخطوة مو مهم تكون مرتبة
 
بعدين جيبي فرشة أو اسفنجة العين الصغيرة و ممكن أعواد قطن و سوي تمويه للخط هذا و انتهينا

إذا حسيتي إنه صار له تمويه بزيادة زيدي ع جذور الرموش شوي بالكحل

أنا جبت نموذجين من اللي استخدمهم حق بودي شوب و حق إيلف

و سواتشاتهم العادية و المموهة

و أحب بعد هالأكحال أحط ظل أسود أو بني غامق مرة غامق عشان تثبت أكثر


 
ع اليمين ذا بودي شوب مموه و عادي و ع اليسار إيلف شيمر آيلاينر مموه و عادي

 
 


فيه كثير أنواع للأكحال.. بس أنا لهاللوك أستخدم هالإثنين


 
ممكن هالفيديوهات تساعدكم شوي في التوضيح
 
 
 
إحتمال أعدل ع البوست هذا و أضيف نوعين بعد للكحل بس أجربهم أول لهاللوك و أشوف
 
 
سي يا
 
()




Sep 17, 2012

Full looking eyebrows لحواجب كثيفة





خطوة بسيطة تعطي شعر الحواجب الخفيف منظر و كأن الشعرات كثيفة و غامقة

ارسمي حواجبك بأي طريقة تحبين.. بظل أو قلم أو جل بني أو شمع أو تاتو

بعدين حطي مسكرة شفافة و مشطي بفرشتها حواجبك ع الشكل النهائي اللي تبينه

و خليها تنشف

بعدين بظل شيمر (لمعة و ليس قليتر) قريب من لون حواجبك و فرشة ظل حطي كمية خفيفة من هالظل فوق الحاجب
 
أكرر كمية خفيفة مررررررة

و شوفي الفرق.. راح تبان حواجبك أكثر و أرتب و تعطيها قوام جميل قريب للصورة اللي فوق

شي بسيط و جربته جاب نتيجة.. حبيت أفيدكم

و كمان سمعت إن عارضات الأزياء مرات يعبون حواجبهم بظل شيمر و من هنا جاني الإلهام

تكلمت عن الحواجب قبل في التمبلر بوستات قديمة طلوا عليها هنا

سي ياااا...

 
 

Sep 11, 2012

easy glamorous look..!!

مرحبا..

اليوم راح أتكلم عن لوك سهل جدددددا... و سرييييع..
و بالرغم من سهولته إلا إنه معتمد و بكثرة في مجلات الجمال المعروفة مثل فوج و الور و إل و ماري كلير..
و يصلح  للبنات اللي ما عندهم مساحة كبيرة بين الجفن و الحاجب..  بالعكس يناسبهم أكثر من غيرهم..!!
و هو إنك تستخدمين لون واحد بس.. من الرموش لين الحاجب فوق..
ممكن أكثر اللي يريحك.. بس الفكرة في كونه لون واحد بس
بتحطين كحل أو لا.. مسكرة.. اللي يريحك..
و هاللوك يعتمد عليك.. إذا تبين شي بسيط حطي ع عويناتك برونز أو بيج أو وردي أو مشمشي و  ذهبي هيك..
مع روج فاتح أو غامق براحتك..
و إذا جريئة جربي ألوان ثانية قوية.. بس الروج في هالحالة حبذا يكون فاتح و ناعم مثل النود أو الوردي الخفيف المايل للبني..
و ترا هاللوك للسهرات يعطي فخامة و عمق للنظرة كمان.. :$

الحلووووو في هاللوك بالذات.. يريحك من هم الحواجب و تشقيرها.. لأن الظل غالبا يخفي شوي من المنابت السفلية للحواجب
ما تحتاجين تشقير من تحت الحاجب أبد.. بالعكس حلو لما يندمج بداية الحاجب ويا الظل..

جبت لكم صور مختلفة لهاللوك من كذا مجلة .. كبروا الصور و تأملوا..
()












 و بس...
طبعا ممكن البعض يحس هالشي غريب و مو مألوف .. بس هذا اللي يخليه مميز..
و زي ما قلت كبداية جربوا الظلال الفاتحة.. و بعدين غامروا...

سي يا

Sep 9, 2012

e.l.f mineral eyeshadows

 
 
 
مرحبا :$.. كيف الحال..؟
اليوم راح أتكلم عن ظلال مرررررة أحبها
و هي بقمنت من إيلف مجموعة المينيرال.. سعر الواحد منهم في الموقع 3 دولارات
و جودتها طيبة.. شريت منها زمان قبل 4 سنوات و شريت قبل سنة مجموعة
و اللي فرحني إن جودتهم و تنوع ألوانهم في هالظلال كل ماله أحسن من قبل.
حاليا عندي 7 ألوان بس كلها تميلي للطبيعية.. أقرب الدرجات منهم لنفسي لون ناتشورال و ساسي و سيليبرتي
هنا السواتشات
 
 
أول لون ع اليمين أندليك راح من الفوكس بس هو أبيض بشيمر قوي مرة حلو.
و إيلقنت بيج بشيمر و حلو لزاوية العين و تحت الحاجب و ممكن إضاءة للخد
ناتشورال طبيعي و حلوووو و ينفع زي اللي قبله كمان
سويت بيج مايل ع الوردي و الفضي شوي
 
 
 
تريندي مو شيمر مرة.. يعني تقريبا مات فيه قليتر صغير وردي.. لونه مايل شوي ع الموف
سيليبرتي يذكرني ببقمنت نزل من ميك أب فور إيفر و انقطع زمان.. لونه هادي و ينفع حق كل يوم
ساسي ظالمه السواتش كثير.. بس هو مو كثير غامق يوم ينحط ع الجفن.. مرة أحببببه
 
 
و بس
 
هنا الرابط ممكن تشوفون باقي الألوان و تقرون باقي الريفيوهات
 
و طلوا ع التمبلر فيه ريفيوهات سابقة ممكن تفيدكم :$
 
سي ياااا ()
 

Sep 7, 2012

H&M beauty products

 
 




مرحبا :)

 
مين ما يحب إتش آند إم..؟
أنا من عشاقه من كل النواحي سواء ملابس أو إكسسوارات أو بجامات أو شنط.. و حتى مكياجه أحببببه
سبق و تكلمت في بوست قديم في التمبلر ع المناكير حقته
و حبي لها و لألوانها الغريبة و إنها تنشف بسرعة مذهلة
اليوم راح أتكلم عن فرشة و بلش و ظل
و عن 4 أشياء ثانية مو عندي بس عند صحباتي و يمدحونها كثير
نجي أول شي للأشياء اللي عندي :

فرشة الظل.. بصراحة مرة انذهلت فيها...سعرها بحدود الـ 30 ريال بس بجد عجبتني
و ممكن تحطين الظل و تدمجين فيها.. مرة حلوة و لو ما كان عندي فرش كثار كان أخذت منها كذا حبة
 




ثاني شي البلش الدرجة اللي عندي اسمها برونز و رقمها 15
الدرجة بالرغم من إنها برونز إلا إنها وسط بين الوردي الغامق و المشمشي و البرونز
فيها شيمر حلو و جدا مناسبة في الصيف.. و ثباتها طيب إذا اندمجت زين

سعره تقريبا بين 30 و 40 ريال

 

أخر شي عندي ظل مفرداحترت وش الدرجة اللي آخذها.. فـ آآ.. مممم..
قلت في نفسي أنا ما عندي ظلال صفراء كثير.. بس عندي للحين 4 هههههههههه
إيوه مجنونة أدري.. بس حبيت أجرب ظل منفرد منها ..و كنت وقتها أفكر عندي بني و بيج و عودي و وردي كثير..
خليني أجرب الأصفر..جدا لطيف..
أنا ما أبغاه يكون مرة مركز اللون فيه لأني عموما أستخدم الأصفر في غالب الوقت عشان أدمج شوي ظلال ما تضبط علي الهالات ع جفوني ..و تضبط بالأصفر.. فناسبني و الله..
ما أتذكر سعره و الله بس بحدود اللي قبله


 
و هنا سواتشات للبلش و الظل : 
 
 




 

أنا جدا راضية عن منتجاتهم
ما جربت الكريمات و لا اللوشنات و لا الشور جل و الأقنعة
ما فيه منها ريحته جذبتني مرة أو حسيت إنه في جودته أحسن من الماركات اللي عندي من قبل

نجي للأشياء اللي مو عندي
صديقتي عندها ظل مربع فيه لونين و كثير تمدحهم
و عندها بعد فرشة صغيرة مرة للظل تستخدمها للظل في زاوية العين الداخلية و تحت العين
و كمان اشترت درجة وردي كورال صارخ من البلش اللي عندي نفسه و مرة عاجبها كثيييير
و بنت خالي عندها قلوس وردي و تقول أحسن شي جربته في حياتها و حطت منه يوم العيد

 

و سلامتكم :$


 

Sep 6, 2012

مرحبا.. معليش تأخرت عليكم هاليومين .. بس لأنه أنا لساتني ناقلة جديد لمدرسة ثانية..
مو مرة تمام زي اللي قبل .. من جميع النواحي
:"(
و قاعدة أتأقلم و أرتب وضعي..
و حبيت أنزل لكم هالريفيو البسيط عن منتج جدا جميل للشعر..
و هو بلسم الموز من ذا بودي شوب
 
 
 
الصورة من موقعهم  ع فكرة.. ما علينا..
قبل أمس خلصت علبة من هالبلسم و اليوم رحت اشتريته مرة ثانية.. يعني أنا وقعت في غرامه هو كمان خخ
أنا كنت مخططة أجرب الشامبو بعد ما عجبني البلسم.. بس لسا اللي استخدمه ما خلص فـ راح أجربه بعدين..
هو طبعا بالموز.. >> بالله ..؟ خخ
و معروف كثير الموز إنه زين للشعر و كثير خلطات لترطيب الشعر فيها موز مهروس..
هنا هارسينه جاهز بس حطيه ع شعرك بعد الشامبو زي أي بلسم عادي و خليه دقايق
بعد ما تغسلين شعرك و ينشف.. راح تلاحظين ملمسه نااااااعم و صحححححي...
ما رح يصير ناعم و مسطر و كأنه مستشور.. بس ملمسه و قوامه من جد يتغير مع هالبلسم..
بحكم إن شعري طويل خلصته في 5 استخدامات.. و شعري كثير عاجبني ملمسه ..
و صاير مرن معاي أكثر إذا استخدمت الليس أو الفير..
و الأروع من كل اللي فات.. سعره.. 24 ريال بس..!!!
أنصحكم كثير فيه.. و خصوصا إنه من المنتجات الأكثر مبيعا في موقعهم الأمريكي..
و ممكن تشوفون آراء الناس فيه هنا .. و للحين 104 شخص من أصل 113 ينصحون فيه  
 
 
ملاحظة ع جنب كذا : ذا بودي شوب بدأت أحبها و أقرا عنها كثير
و بصراحة منتجاتهم قفزت قفزة كبيرة في المكونات و الروائح..
و راح تلاقوني كثييييييييير أتكلم عن منتجاتها لأني اشتريت كميات منها الأشهر اللي فاتت..
 
 

Sep 2, 2012






مرحبا.. كيف حالكم جميعا..؟
 
حبيت أسوي هالريفيو من زمان.. بس قلت أخليه من ضمن سلسلة الجامعة و المدرسة و هو بصراحة منتج ممتاز للجميع

 

هو شانيل برونز يونيفيرسال أو يسمونه الحين أعتقد سوليه دي تان شانيل


 



و هنا سواتش له في اليمين و بعد الدمج ع اليسار
 
 
عبارة عن برونز كريمي خفيف
مكتوب عليه إنه بيس برونزي.. بس طبعا أنتم عادي استخدموه مثل ما تبون
لونه برونز وسط مو غامق و لا فاتح.. و مايل نقطة ع الأورنج
راح أشرح لكم كيف ممكن يفيدك هالمنتج ع لون بشرتك
إذا بشرتك بيضاء.. راح يكون برونزر و بلش جدددددا راااااائع
و ممكن تسوين التان لوجهك فيه بس راح يبين شوي ع أورنج في هالحالة
إذا بشرتك وسط.. راح يكون برونز و بلش حلوووو و ممتاز للتان ع وجهك
نجي الحين للحكي الجد.. و هو البشرة السمراء
هذا المنتج أساسي جددددددا لهالبشرات
ما رح يعطيها تان و لا يصلح بلش.. لأن لونه البرونز وسط
لكن قدرته ع إعطاء النضارة لهالبشرات تذهل بجد
ألاحظ علينا دايم سمارنا يكون مايل ع أخضر أو ع أصفر و ما فيه أكل صحي
و البشرة هذه تصير باهتة و ذبلانة
هنا يجي دور البرونز يونيفيرسال .. حطيه ع وجهك كله
ما رح يسوي تان زي ما قلت.. و لا راح يفتح البشرة و ما رح يخفي عيوب أو حبوب
بس يعطيها لون سمار صححححي و مورد.. مرة جميل
لأنه نسبة الأورنج الخفيفة فيه تصير ع الوجه نفس الكوريكتور تصحح العيوب و البهتان الخفيف
و كل اللي أعرفهم سمر استخدموه ناسبهم كثير
 
ممكن تجربون ع وجهكم في المحل من تحت الحجاب و تروحون دورات المياة و تشوفون ع المراية أحسن
سعره تقريبا 240 أو 300.. في هالحدود بس بجد يستاهل.. ع كثر استخدامي له للحين ما خلص
و أحسن فرشة تناسبه هي فرشة سيفورا مينيرال رقم 45
هالفرشة لحالها عالم من الإبداع خخ... إذا حابين ريفيو عنها خبروني هنا أو ع تويتر
 





@TaRaNeeM
 أشوفكم بكرة.. ()


 


© ●terter thinks● | All rights reserved.
BLOG TEMPLATE HANDCRAFTED BY pipdig