Jan 24, 2013

أسرع ريفيو لأسرع مجفف مناكير خخ

مرحبا...
هذا أسرع بوست سويته في حياتي هههههههههه..
كثير بنات طلبوا أتكلم عن المناكير..
بس قلت أتكلم عن هذا الشي البطل أول..
هذي قطرات تنحط بعد ما تخلصين المناكير عشان تنشف بسرعة..
جربت حقت أو بي آي و كنت منبهرة فيها.. لين جربت هذي من ماركة إيسنس..
ياااااه ..حقت أو بي آي و لا شيء جنب هذي..!!!
و الحلو فيها سعرها رخييييص ممكن 15 ريال..
و تدوم معاك.. من شهرين و شوي و أنا استخدمها و شوفوا قد إيش باقي..!!!
أنصحكم فيها.. خذيته من تاج توج جدة..
في الرياض أسمع هالماركة تنباع في صيدلية مشهورة هناك مدري وايتس أو الحبيب
في الصورة مبين حجم القطرة كبر الشامبو ما شاء الله خخ
بس هي حجمها نفس علب المناكير
و سلامتكم خخ
()

Jan 22, 2013

benefit's old famous blushes :D

مرحبا..
 
بينفت من الماركات الجديدة مقارنة في البقية في عالم التجميل..
و لكنها قدرت تنافسهم كثييير في منتجاتها يوم عن يوم..
أول ما طلعت هالماركة كان أكثر الأشياء المشهورة فيها هي البلشرات..
و يوم طلعت هالماركة كنت توني بادية في عالم الجمال خخ..
و اشتريت منهم العلبة اللي فيها 3 ألوان مشهورة مرة ذاك الوقت..
كوراليستا - هوولا - دالاس
و البلشرات هذي لا تزال تباع بس علب منفصلة و كبيرة .. يعني مو علبة وحدة زي اللي عندي
و للحين الناس تحبها و تشتريها..
سعر الواحد منها تقريبا فوق الـ 100 و شوي.. بس الكمية كبيرة و يقعد معاك مدة من الزمن..
أول ما شريت العلبة هذي كان ما عندي بلشرات كثيرة و كنت أستخدمها يوميا..
خصوصا لون كوراليستا لأنه كان مشمشي و يعطي إنارة للوجه.. فيه شيمر خفيف
و كنت أستخدم هوولا للكونتور..
و كنت ساحبة ع دالاس هههههههه... مدري وش كنت أفكر فيه وقتها..
 
* * * *  
 
نسيت هالبالت فترة .. و شريت كثير بلشرات و برونزرات و جربت أنواع و أشكال
و رجعت للعلبة ذي مرة ثانية اكتشفت إني أحب هوولا مرة لأن لونه مطفي و يصلح كونتور
و شريت منه حجم كبير .. و كوراليستا حلو بس عندي يشبه له..
و دالاس صار عشقي الحين.. أحسه يذكرني كثييير باسبريسو حق نكس..
يندمج مع لون البشرة و مطفي ماهو بشيمر.. يااااه مرررررة أحبببببببه هالأيام..
لون ممكن يكون كونتور و بلش.. و طبيعي جدا يصلح مع أي لوك و أي روج..
و إن شاء الله إذا خلص هاللون من العلبة برجع أشتريه لحاله..
 
* * * * 
  
بالنسبة للفرش اللي مع بلشرات بينفت أنا كثير تعجبني.. ناعمة مررررة
و بطلة جدا للهايلايت ع الخد..
 
نشوف الصور؟
 
 
 
 
 
* * * *   
 
و هذا كان تلبية لرغبة البنات اللي كانوا يبون أتكلم عن البلشرات..
و فيه ألوان أحلى كمان نزلت في بينفت.. بس هذولي المفضلات عندي للحين..
و اخترت بينيفت لأنها متوفرة بالسعودية و في كل مكان و ممكن تجربونها و تشترونها بسهولة..
 
 
سي يا
 
()

Jan 19, 2013

everyday \ natural eyeshadow trio

مرحبا..
 
 
 
اليوم أنا مررررة مروقة بعد الصداع العظيم اللي أمس..
و راح أتكلم عن منتج من ماركة سيفورا.. جربته و مرة حبيته ..
بالت فيه ثلاثة ألوان رقمه 03 ..اسمه سن سيت.. غروب يعني >> بالله..؟ خخ
و هو من الظلال البيكد.. هههههه لا ما رح أقول مطبوخة ههههه..
خلاص يالله جد عاد.. ممكن يستخدم جاف أو رطب.. و كل الألوان بشيمر (لمعة)
اللي عجبني فيه إنه أساسي مرة و مهم يكون عند أي بنت.. و يناسب بشرات كثيرة
ممكن نطلع منه لوك نهار و طبيعي و ممكن سموكي كمان..
و اللونين الفاتحة ممكن تكون هايلايت للوجه.. متعدد الاستخدامات..
 
ألوانه بني ..و مشمشي مايل للوردي (يشبه بيقمنت مينك من نكس) ..و بيج فاتح جدا..
فيه منه 10 ألوان موجودين ع موقعهم هنا
سعره ما أعرف لأنه جاء مع مجموعة تكلمت عنها قبل في المشتروات
بس أتوقع سعره حدود الـ 100 ريال.. و أكيد ما رح تلاقونه إلا في محلات سيفورا ..
 
نشوف الصور..؟
 
 
 
 
 
 
 
 
و بس..
 
أشوفكم وقت ثاني..
 
()

Jan 16, 2013

every girl MUST own a CHANEL lipstick!

 
 
مرحبا..
من كم سنة طلعت شانيل مجموعة أرواج كوكو ..
و كان الإعلان هو اللي تشوفونه في الصورة فوق
ميزة أرواج شانيل هذي حسب موقعهم إنها ترطب و اللون فيها قوي يعني ما يحتاج طبقات كثيرة
و إن لها ألوان قوية و متعددة.. فيه الكريمي و الشيمر و المطفي نوعا ما..
هذا الكلام اللي في موقعهم .. نجي لكلامي أنا يا رعاني الله ههههههههه
 
أول ما نزل هالكوليكشن عجبني اللون الأحمر منه و اشتريته.. و حبيته كثييير
المهم أمي أعجبها و لأن عندي أرواج حمر واجد عطيتها إياه
و أختي أخذت منه لون نود ع موف خفيف كذا ..و عجبها كمان..
 
و كان نفسي في اللون الأشهر و الأقوى من هاللاين.. و اللي موجود ع ليلي آلان في الصورة
رقم 05 و اسمه مدموزيل.. و عندي منه عينة صغيرة و حبيته كثيييييير..
و كل صحباتي نصحتهم فيه و اشتروه ..
بس لأن عندي كثير أرواج أجلت موضوع هاللون و ممكن كنسلته من بالي..
 
فجأأأأأأة
حسيت إنه جاء الوقت اللي أشتري فيه هاللون أنا كمان
و لأن كل بنت لاااااازم يكون عندها روج من شانيل ..  كان بالنسبة لي هاللون ()
و اشتريته.. خخ
بالنسبة للترطيب لاحظت إنه ما يسبب جفاف لشفايفي و هذا أمر جيّد
و لاحظت لونه غني ما يبي له مليون طبقة و هذا كمان شي كويس..
الثبات ثبات أي روج عادي.. إذا أكلتي و شربتي كثير أكيد بيروح بعد كم ساعة 
 بس عموما هذا الروج هذا من أحسن الأرواج اللي جربتهم
و الحمدلله أحس حلال فيه الـ 150 ريال تقريبا اللي اندفعت فيه
 
نشوف الصور..؟
 
 
 
 
 
 
 
 
 
 
زي ما تشوفون هو لون مناسب للجميع.. وردي غامق شوي.. 
و الحلو فيه إنه ممكن نطبطب فيه ع الشفايف و تبان كأنها لونها صحي و طبيعي..
و ممكن بلشر كريمي ألييييييم...
 
 
و هنا السواتش..
 
 
 
فيه معلومة مدري إذا جد أو لا.. بس إذا حابين تعرفون روج شانيل أصلي و لا لا.. شوفوا الغطاء..
 
إذا الشعار محفور من جوا فمعناته أصلي..! مدري عاد هههههههه
 
 
و بس... :$

Jan 14, 2013

yes !! another haul XD

السلام عليكم..
 
راح أسوي بروجكت كنت قد سويته السنة الماضية .. ما رح أشتري شي له علاقة بالبيوتي
كريمات .. عطور .. مكياج.. إلخ
من بداية 2013 لين نهاية شهر مايو.. 5 شهور
إلا الضروريات إذا خلصت زي الشامبو و البلسم و المعجون و هيك..
عشان أرجع أكتشف و أجرب شغلاتي اللي عندي..
بس لا تخافون فيه كثير منتجات جديدة عندي راح أسوي عنها ريفيوهات
 
 
و ممكن يكون هذا تحدي جماعي و نوفر فلوسنا و نستخدم منتجاتنا ..
وش رايكم..؟
إذا فيه حماس راح نسويها حملة ع المدونات..
بس عطوني خبر هنا أو ع الإيميل أو ع تويتر @TaRaNeeM
و نبتكر اسم للحملة عشان نشد من أزر بعض خخ
 
 
و هذي المشتروات هي آخر شي تشوفونه في فئة المشتروات شريتهم قبل بداية يناير 2013..
و فيه طلبية منتظرتها من فترة تجي و غيرهم بح.. شطبنا مشتروات لين آخر مايو..
 
أغراضي اليوم من : سوق الكورنيش - ذا بودي شوب - إتش آند إم - سوبرماركت النجمة
 
قسمتهم 3 أقسام.. عناية و مكياج و إكسسوارات
 
نبدأ بالعناية :
 
 
 
نبدأ من اليمين فيه 3 منتجات آسيوية من سوبرماركت النجمة .. خذتهم من باب التجربة
و أسعارهم رخاص مررررة.. أول شيء الزيت اللي علبته خضراء.. ترا حجمه صغير مرة
ريحته قريبة من الفيكس بس مو بنفس القوة.. و مكتوب عليه لانتفاخات البطن
بس لما بحثت في النت لقيت له استخدامات كثيرة منها شيء للأطفال و شي للبشرة و شي للصداع
و إن البابونج مكون أساسي في هالزيت.. للحين ما جربته و أحس يبي لي أقرا عنه أكثر كمان
سعره 8 ريال
 
بعده كريم بالبابايا حماية من الشمس مع فيتامين سي.. مكتوب عليه ممكن يستخدم أساس
بس هو ما فيه لون.. ممكن قصدهم يعطي إنارة أو برايمر.. المهم ريحته مررررررة جميلة
و الأحلى سعره.. بـ 10 ريال.. يا بلاش.. و قلت أجربه و أشوف..
و اللي لفتني إني يوم كنت أحاول أقرا و أتفحص في العلبة جت كم وحدة آسيوية و أخذوا منه..
و طبعا هذا من ضمن الأسباب اللي حمستني هههههههههههه
 
 
اللي بعده تحت زي الرول صغير.. هذا مرررررة صغير زي حجم الروج بس كريم..
تحمست لعلبته الكيوت و سعره بـ 4 ريال...!!! عاد كاتبين جوا إنه يبيض و يصفي البشرة..
مدري عاد أشوف خخ.. و كمان ريحته حلوة مررررة..
 
 
بعدين كريمين بحجم صغير للسفر من ذا بودي شوب.. كلهم مع بعض ممكن 25 ريال
واحد منهم توي أجربه الحين و لسا ما عطيته مدة زينة عشان أشوف النتيجة
أما الثاني فقد جربته قبل و بصراحة بططططل .. فجابته أختي لي هدية لأن الحجم الأصلي اللي عندي خلص
 
 
أما اللي فوق زبدة للجسم بالشيا حجمها صغير كمان.. بـ 10 ريال بس عطونا إياها هدية في أرجوان السويدي
فكرتها عادية لأنها هدية بس طلعت زينة و الله في الشنطة لجفاف اليدين اللي أعاني منه كثير..
 
 
 
 
 
نجي لمنتجات المكياج و التجميل ..
كحل ميبلين الكريمي الأسود.. المرة العشر طعش اللي أشتريه و ماهو شي جديد و سعره حول 35 ريال
 
بعدين كحلين تركواز و أخضر عطوني إياهم هدايا كمان في أرجوان السويدي من ماركة مكياج..
عجبوني ألوانهم و الله ..بس مدري لسا عن ثباتهم.. شكله مو مرة ثابت و ممكن لما أثبته بظل يكون أحسن
 
روج من شانيل كان نفسي فيه مييييين زااااماااااااااااااااااان .. و اشتريته أخيرا..
ما رح أتكلم عنه أبدًا .. لأنه راح يكون موضوع الريفيو الجاي إن شاء الله..
 
بعدين لب بتر من ريفلون اسمه بينك ترافل .. طبيعي مرة و يومي.. سعره بحدود الـ 40 أو الـ 50 ريال
 
العلبة الكبيرة البرونز .. هذا بودرة إتش آند أم اللي عند كل البنات.. و عشان المدح اللي عليها شريتها..
سعره في الخصم بـ 10 ريال .. لونها جمييييل جدا لكامل الوجه أو كونتور أو ممكن بلش..
بس ما تثبت كثير.. راضية عنها و أستخدمها ما عندي مشكلة ..
 
تحتها العلبة البيضاء هذا زي القليتر شفاف ع أزرق.. يا ليت فيه منه ألوان أكثر..
من أرجوان السويدي بـ 10 ريال ..اشتريته لأنه كثير ذكرني بشي نفسي في من إليماسكا اللي هو ..
 
 
بس إليماسكا ع موف أو وردي.. و اللي من أرجوان السويدي أزرق
 
 
و أخر شي ظل بـ 10 من الكورنيش ما أتذكر أي محل..  برتقالي ع وردي فسفوري.. مو مبين لونه صح هنا
فااااااااااااقع مرة مرة مرة.. اشتريته عشان أسوي لوك شفته ع مودل.. و طلع اللوك مرة حلو و غريب. .
نفسي أروح أشتري اللون الفوشي الصارخ بعد..
 
 
 
 
آخر شي أسوارة السبايكس من العفيف و خاتم جميل.. كلهم سوا ممكن 40 ريال بعد الخصم
 
و بس..
تابعوني ع الإنستقرام terter_thinks
و إذا عندكم أي سؤال تفضلوا هنا :  http://ask.fm/terterthinks
 
 
 ()

Jan 1, 2013

الريفيو الفايز :D

مرحبا
 
 
 
الفايزة هي :
 
 
منى @H2o24
 
 
مبارك يا منى.. ()

 
 و هنا الريفيو :

السلام عليكم ورحمة الله و بركاته

الريفيو عن كذا منتج عجبوني وحبيت اشاركها معكم :)

اول شي هالاساس من Revlon
color stay
اعتقد معناه الوان ثابته او هيك شي

للبشرة المختلطة


رقم 22
من تجربتي له كذا مره ... ناعم عالبشره و لطيف موب ثقيل مره ولا خفيف مرة وسط حسيته (سائل كريمي)



يعني تاخذي قد كذا بيدك شوي وكل جزء تنقطي باصباعك وتدهني ع طول لحد ماتكملي وجهك كله (هالطريقة من ترتر اقتبستها

واستخدمها معه لانه على طول يجف ويمسك عالوجه).. ولمن احطة يوحد لون البشرة و مو باين اني حاطة طبقة

تغطيتة متوسطة الى كاملة
 
مكان الشراء :سنتر بوينت و السعر مني فاكرة سعرة بالضبط بس حاجة وسبعين


ثاني حاجة وهي هالايلاينر من بورجواه



جدا جدا جميييييل وعجبني حيل سهل في الرسم ومايتكتل ابدا ومايتقطع او يتقسم مع الوقت


ريشته محددة وتسهل الرسم كثير.. وهذي تجربة له



مكان الشراء سنتر بوينت .. و ما افتكر السعر كم

ثالث شي هالمسكرة الجمييييله من ميبلين.. اكيد ماتخفى عليكم
اخذتها بعد مانصحت فيه اخت ترتر و ماندمت صراحه بعد تجربتي لها مافي تكتلات وما احتاج اضيف رموش

الفرشة معقوفة بشكل تقوس الرموش ..من سنتر بوينت

اخر شي روجين لطيفين وجميلين
الاول من بورجواه


رقم 02

جدا حبيته ينفع تستخدمينه كل وقت وبالسهره مع الالوان القوية للشادو ينفع بقوة

وبالنهار لمكياج طبيعي ميه ميه

والثاني من ريميل رقم 101
تكفي ريحته الحلوة غير لونه وامتلاءه للفم وجدا رايق للصباح

وهذي لون الروجين مع بعض والفرق بالدرجة
*
انتهى
يا جماعة عندي مشكلة ما أقدر أرفع الصور ع المدونة مباشرة...
و صرت أرفع ع موقع تحميل و أرفق الرابط في الصور
عندكم حلول أرجع أرفعها ع المدونة علطول..؟ خبروني ع البريد حقي الموجود فوق ع اليمين ..

:(

© ●terter thinks● | All rights reserved.
BLOG TEMPLATE HANDCRAFTED BY pipdig